கட்டட வரன்முறையில் பழைய அபார்ட்மெண்ட்களுக்கு கிடைக்கும் சலுகைகள் என்ன?

 

         தமிழகத்தில், 2007 ஜூலைக்கு முன் கட்டப்பட்ட விதிமீறல் கட்டடங்களை வரன்முறைப் படுத்தும் திட்டம், 2017ல் அறிவிக்கப்பட்டது.  இத்திட்டப்படி, தங்கள் கட்டடங்களுக்கு என்ன விதமான சலுகைகள் கிடைக்கும் என்பது குறித்து வீட்டு உரிமையாளர்கள் விழிப்புணர்வு அடைய வேண்டும்.

           இந்த வரன்முறை திட்டம்,  2020 ஜூன் 21 வரை நீட்டிக்கப்பட்டுள்ளது.  இருப்பினும் பெரும்பாலான கட்டட உரிமையாளர்கள் இதில் உரிய கவனம் செலுத்தாமல் உள்ளனர்.

            இதனால், இத்திட்டத்தில் மிக குறைந்த எண்ணிக்கையிலேயே விண்ணப்பங்கள் வந்துள்ளன.  இதில் கட்டணம் கூடுதலாக இருப்பதாக மக்கள் மத்தியில் கருத்து நிலவுகிறது.

            நிலங்களின் வழிகாட்டி மதிப்பு அடிப்படையில் கட்டணங்கள் கணக்கிடப்படுவதே இதற்கு காரணம்.  இக்கட்டடங்கள் கட்டப் பட்ட போது இருந்த நில வழிகாட்டி மதிப்புகள் அடிப்படையில் கட்டணங்கள் வசூலிக்க வேண்டும் என்பது மக்களின் கோரிக்கையாக உள்ளது.

             இதில் குடியிருப்பு கட்டடங்களை வரன் முறை செய்ய, தற்போது உள்ள அனைத்து உரிமையாளர்களும் சேர்ந்து விண்ணப்பிக்க வேண்டும்.  மேலும் இதில், உரிமையாளர்கள் பெயரில் பட்டா உள்ளிட்ட உரிமை ஆவணங்கள் இருக்க வேண்டும்.

            இதில் கட்டடங்களை வரன்முறை செய்வதில் தொழில்நுட்ப ரீதியாக சில சலுகைகளும் வழங்கப்படுகின்றன.  அதாவது, செட் பேக் எனப்படும் பக்கவாட்டு காலி இடம் தொடர்பான விஷயங்களில் கெடுபிடிகள் காட்டுவதில்லை.

           குறிப்பாக, ஒரு கட்டடத்துக்கு பக்கவாட்டு காலியிடம், 1 மீட்டர் அகலத்தில் இருக்க வேண்டும் என வரன்முறை விதி உள்ளது.  ஆனால், இதை அனைத்து பக்கத்திலும் ஒரே அளவில் பார்க்க வேண்டும் என்ற கட்டுப்பாடு இல்லை.

            இதனால், அதிக பட்சமாக 1 மீட்டர் அளவுக்கு எதாவது ஒரு பக்கத்தில் காலி இடம் விடுபட்டு இருந்தாலும் அந்த கட்டடம் வரன்முறைக்கு ஏற்கப்படுகிறது.  மேலும், பக்கவாட்டு காலியிட பரப்பளவு, மொத்த அளவில், 500 சதுர அடி இருக்க வேண்டும் என்றால், அதை பொது அளவாக எடுத்துக் கொள்ளப்படுகிறது.

            இன்னின்ன பக்கத்தில் இவ்வளவு காலி இடம் இருக்க வேண்டும் என்று கெடுபிடி காட்டாமல் வரன்முறைக்கு வாய்ப்பு அளிக்கப்படுகிறது.  இந்த வாய்ப்பை பயன்படுத்தி வரன்முறை செய்ய தவறினால், அந்த கட்டடங்களில் மறுமேம்பாட்டின் போது சிக்கல் ஏற்படும் என்கின்றனர் நகரமைப்பு வல்லுனர்கள்.

வீட்டின் பாதுகாப்பு கட்டுமான நிலையில் கவனிக்க வேண்டிய விஷயங்கள்!

     நாம் புதிதாக கட்டும் வீடு நமக்கும், குடும்பத்தினருக்கும், எதிர்கால சந்ததியினருக்கும் பாதுகாப்பானதாக இருக்க வேண்டும்.  இதில் ஒவ்வொரு விஷயத்திலும் கவனமாக செயல்படுவது அவசியம்.

    கட்டடத்தின் ஒவ்வொரு பணியிலும் அப்போதைய தேவை மட்டுமல்லாது எதிர்கால தேவையையும் கவனத்தில் கொள்வது வழக்கமாக உள்ளது.  அஸ்திவார நிலையில் இருந்தே இது போன்ற எண்ணம் வரும்.

    தற்போது, கையில் இருக்கும் பணத்தை வைத்து தரைதளம் மட்டும் கட்ட முடியும் என்றாலும், அதில் எதிர்காலத்தில் கூடுதல் சுமை தாங்கும் திறன் உடைய கட்டுமான பொருட்களை பயன்படுத்துவர்.

     இதனால், கட்டுமான செலவு சில நிலைகளில் அதிகரிக்கும் என்றாலும் அதை மக்கள் ஏற்றுக்கொள்கின்றனர்.  இது போன்ற எதிர்காலத்துக்கான திட்டமிடல் சரியான நிலையில் இருக்கும் வரை பிரச்னை இல்லை.

     ஆனால், அதில் ஆர்வ கோளாறு காரணமாக சில தவறுகள் நடந்துவிடுகின்றன.  தேவைக்கு ஏற்ப பிரித்து பயன்படுத்த எளிதாக இருக்கும் என நினைத்து ஜன்னல் பகுதிகளை ஸ்குரு டைப்பில் அமைக்கின்றனர்.

     எதிர்கால தேவை என்ற பெயரில் நடக்கும் இந்த விஷயத்தால், கொள்ளை சம்பவங்களுக்கு உதவி செய்துவிடாதீர்கள்.

     மின்சார இணைப்புகளில் ஒவ்வொரு அறைக்கும் தனித்தனியாக சர்க்யூட் சுவிட்ச்களை அமைப்பது நல்லது.

     இதில் எதிர்கால தேவைக்கு என்று சுவிட்ச் பாக்ஸ்கள், ஜங்ஷன் பாக்ஸ்களில் கூடுதல் நீளத்துக்கு கேபிள்கள் விடப்படுகிறது.  இந்த  கேபிள்கள் உள்ளேயே சுற்றி வைக்கப்படுகிறது.  இது போன்ற செயல்கள் ஆபத்தை ஏற்படுத்தும்.

     மொட்டை மாடியில் எதிர்கால தேவை என்ற பெயரில் அதிக நீளத்துக்கு கம்பிகள் நீட்டிக்கொண்டு இருப்பது ஆபத்துக்கு வழி வகுக்கும்.

      கட்டுமான பணியின் போது எதிர்கால தேவைக்காக என்று நீங்கள் நினைக்கும் விஷயம் சரியானது தானா என்று உரிய தொழில்நுட்ப ஆலோசனை பெறுவது அவசியம் என்கின்றனர் கட்டுமான வல்லுனர்கள்.

தரமான யுபிவிசி ஜன்னல்களை தேர்வு செய்வதற்கான வழிமுறைகள் !

 

புதிதாக வீடு கட்டுபவர்கள் அடிப்படை கட்டுமான பணிகள் முடியும் நிலையில் தான் ஜன்னல்கள் அமைப்பது தொடர்பாக கவனம் செலுத்துகின்றனர்.  இதில் வீட்டுக்கான வரைபடம் தயாரிக்கும் நிலையிலேயே ஜன்னல்கள் அமையும் இடம், அளவுகள் ஆகியவற்றை முடிவு செய்ய வேண்டும்.

 

குறிப்பாக, வீட்டில் பிரதான கதவு எந்த பக்கம் அமையும் என்று பார்த்து அதற்கு ஏற்ற வகையில் காற்றோட்டத்தை கணக்கிட்டு ஜன்னல்களை அமைக்க வேண்டும்.  அப்போது தான் வெளியில் வரும் காற்று முறையாக வெளியேறுவதற்கு வழி கிடைக்கும்.

இதில் ஜன்னல்களுக்கு கம்பிகள் அமைத்து, மரம் அல்லது கண்ணாடி கதவுகள் அமைப்பதே வழக்கமான நடைமுறையாக இருந்து வந்தது.  இந்நிலையில், பிவிசி, யுபிவிசி என புதிய வகை பொருட்கள் வருகையால் ஜன்னல்கள் அமைப்பது தற்போது எளிதாக உள்ளது.

வீடுகளில் மரத்தால் ஜன்னல்கள் அமைப்பதை விட, யுபிவிசி முறையில் ஜன்னல்கள் அமைக்கும் போது ஓரங்களில் தேவையில்லாத இடைவெளி ஏற்படாமல் பார்த்துக் கொள்ள வேண்டும்.  கட்டுமான நிலையிலேயே ஜன்னல்கள் பிரேம்களுக்கான அளவு எடுக்கும் பணிகளை முடிக்க வேண்டும்.

பூச்சு வேலை முடிந்த நிலையில் ஜன்னல் பிரேம்களை பொருத்தினால், ஓரங்களில் இடைவெளி இருந்தாலும் அதை அடைத்து சரி செய்ய முடியும்.

குறிப்பாக, பழைய வீட்டில் மர ஜன்னலை அகற்றிவிட்டு, யுபிவிசி ஜன்னல் அமைக்கும் நிலையில் ஓரங்கள் விஷயத்தில் கூடுதல் கவனம் செலுத்த வேண்டும்.

மரம் அல்லது இரும்பு பிரேம்களால் தயாரிக்கப்பட்ட ஜன்னல்கள் அமைக்கப்பட்ட இடங்களில் தற்போது, அதை அகற்றிவிட்டு, யுபிவிசி ஜன்னல் அமைக்க மக்கள் விரும்புகின்றனர்.

அழகிய தோற்றம் மட்டுமல்லாது, பயன்படுத்துவதற்கும் எளிதாக இருப்பதால் யுபிவிசி ஜன்னல்களை அமைக்க மக்கள் ஆர்வம் காட்டுகின்றனர்.

இது போன்று, உங்கள் வீட்டில் யுபிவிசி ஜன்னல்கள் அமைக்க நீங்கள் திட்டமிட்டால் அதற்கான இடத்தை தயார் செய்வதில் மிகுந்த கவனத்துடன் இருக்க வேண்டும்.

ஜன்னல்களுக்கான கதவுகள் எந்த பக்கம் திறக்கப்பட வேண்டும் என்பதையும், அதில் பாதுகாப்பு காரணங்களையும் கவனிக்க வேண்டும்.

வீட்டின் வெளிப்புறத்தில் காலியிடம் இல்லாத நிலையில் உட்புறமாக திறந்து மூடும் வகையில் ஜன்னல்களை அமைப்பது நல்லது.  பயன்பாட்டு நிலையில் பிரச்னை ஏற்படும் என்று தெரிந்தால் ஸ்லைடிங் முறையில் திறக்கும் அமைப்புகளை தேர்வு செய்யலாம்.

யுபிவிசி ஜன்னல்களை வாங்கும் போது, விலை மலிவாக கிடைக்கிறது என்பதற்காக தரமில்லாத தயாரிப்புகளை வாங்கி பயன்படுத்தினால், அது உடல் நல பாதிப்புகளுக்கு வழிவகுத்துவிடும்.

எனவே, நீங்கள் என்ன வகை யுபிவிசி ஜன்னல்களை யாரிடம் இருந்து வாங்குவது என்பதில் மிகுந்த கவனத்துடன் இருக்க வேண்டும்.

கட்டுமான ஒப்பந்ததாரர் பார்த்துக்கொள்வார் என்று அலட்சியம் காட்டாமல் உரிமையாளர் இதில் நேரடியாக தலையிட வேண்டும்.

இவ்வகை ஜன்னல்களில், கண்ணாடிகள் அமைப்பது தொடர்பான விஷயங்களிலும் மிக மிக கவனமாக செயல்பட வேண்டும் என்கின்றனர் கட்டுமான துறை வல்லுனர்கள்.

அடுக்குமாடி குடியிருப்பில் வீடு வாங்குவோர் பட்டா பெறுவது எப்படி?

 

இன்றைய சூழலில், வீடு மனை வாங்குவோர் அது தொடர்பான பத்திரப்பதிவுக்கு பின் பட்டாவில் பெயர் மாற்ற வேண்டும் என்பதில் கவனம் செலுத்த துவங்கியுள்ளனர்.

பட்டா மாறுதல் விஷயத்தில் மக்கள் கவனம் செலுத்த துவங்கியிருப்பது நல்ல விஷயம் தான் என்பதில் எந்த சந்தேகமும் இல்லை.

ஆனால், தனியாக நிலம் அல்லது வீடு வாங்குவோர் மட்டும் தான் பட்டா மாறுதல் விஷயங்களில் கவனம் செலுத்துகின்றனர்.  அடுக்குமாடி குடியிருப்பு திட்டங்களில் வீடு வாங்கும் நபர்கள் பட்டா தொடர்பான விஷயங்களில் உரிய கவனம் செலுத்துவதில்லை.

இதனால், பெரும்பாலான பகுதிகளில் அடுக்குமாடி குடியிருப்பு திட்டங்களின் பட்டா, அதன் பழைய உரிமையாளர் பெயரிலேயே தொடர்கிறது.

இதில் குறிப்பிட்ட சில விஷயங்களில் மக்கள் காட்டும் அலட்சியம் நடைமுறை ரீதியாக பல்வேறு புதிய சிக்கல்களை ஏற்படுத்துகின்றன.

இன்றைய சூழலில், பெரும்பாலான கட்டுமான நிறுவனங்கள், தங்கள் பெயரில் நிலத்தை கிரையம் பெறுவதில்லை என்பதை மக்கள் புரிந்துக்கொள்ள வேண்டும்.  ஒன்றுக்கு மேற்பட்ட நபர்களின் நிலங்களை ஒருங்கிணைத்து தான் அடுக்குமாடி குடியிருப்பு திட்டங்கள் செயல்படுத்தப்படுகின்றன.

இத்திட்டங்களுக்கான நிலங்களை ஒருங்கிணைக்கும் நிலையில் அதன் பழைய உரிமையாளர்களிடம் இருந்து பொது அதிகாரத்தை மட்டுமே கட்டுமான நிறுவனங்கள் பெறுகின்றன.  இந்த பொது அதிகாரத்தின் அடிப்படையிலேயே கட்டுமான பணிகளை முடித்து வீடுகள் விற்பனை செய்யப்படுகின்றன.

இது போன்ற திட்டங்களில் வீடு வாங்குவோர் தங்களுக்கான வீட்டின் பரப்பளவு என்ன, நிலத்தின் பிரிபடாத பங்கான யுடிஎஸ் எவ்வளவு என்பதில் தான் கவனம் செலுத்துகின்றனர்.

தனக்கான கிரைய பத்திரத்தில் யுடிஎஸ் அளவு சரியாக குறிப்பிடப்பட்டுள்ளதா என்பதுடன் மக்களின் சரி பார்ப்பு முடிந்து விடுகிறது.

நீங்கள் வாங்கும் வீட்டுக்கு ஒதுக்கப்படும் யுடிஎஸ் பரப்பளவு பத்திரத்தில் குறிப்பிடப்பட்டுள்ளதால் மட்டுமே அது உங்களுக்கு உரிமையானதாக மாறிவிடாது என்பதை மக்கள் புரிந்துக் கொள்ள வேண்டும்.  அந்த யுடிஎஸ் பரப்பளவுக்கு நீங்கள் முழுமையான உரிமையாளர் ஆக வேண்டும் என்றால் பட்டா மாற்றம் நடக்க வேண்டும்.

தனியாக வீடு, மனைகளுக்கு மட்டும் தான் பட்டா வழங்கப்படும், அடுக்குமாடி குடியிருப்பு திட்டங்களுக்கு பட்டா வழங்கப்படுகிறதா என்பதே பலருக்கும் குழப்பமாக உள்ளது.

இதனால், பெரும்பாலான அடுக்குமாடி குடியிருப்பு திட்ட நிலங்கள் சம்பந்தமே இல்லாமல் பழைய உரிமையாளர்கள் பெயரில் தொடர்கின்றன.

இதில் அடுக்குமாடி திட்டங்களில் வீடு வாங்குவோர் கூட்டாக தாலுகா அலுவலகத்தில்  விண்ணப்பித்தால், யுடிஎஸ் பாகத்துக்கான பட்டா வாங்க முடியும்.

கூட்டு பட்டா அல்லது தனி பட்டா என்ற அடிப்படையில் தங்களுக்கான யுடிஎஸ் பாகத்துக்கான பட்டாவை மக்கள் பெற முடியும்.

அடுக்குமாடி திட்டங்களில் வீடு வாங்குவோர் இது விஷயத்தில் உரிய கவனம் செலுத்தினால், எதிர்காலத்தில் அந்த நிலத்தை வேறு நிறுவனம் வாயிலாக மேம்படுத்தும் நிலையில் பிரச்னைகளை தவிர்க்கலாம் என்கின்றனர் வருவாய் துறை அதிகாரிகள். 

நில அளவை வரைபட ஆய்வில் கவனிக்க வேண்டிய விஷயங்கள் என்ன?

 

வீடு, மனை வாங்கும் போது அதற்கான பத்திரங்கள், வில்லங்க சான்றிதழ்களை ஆய்வு செய்தால் போதும் என்று பலரும் நினைக்கின்றனர்.

உண்மையில் இதற்கு அப்பால் நில அளவை அடிப்படையில் வரைபடங்கள், ஆவணங்களையும் முழுமையாக ஆய்வு செய்ய வேண்டியது அவசியம்.

நிலம் தொடர்பான வருவாய் துறை ஆவணங்கள் என்றால் அதில் பட்டாவை வாங்கி பார்த்தால் போதும், அதில் யார் பெயர் இருக்கிறது என்பதை சரி பார்த்தால் அனைத்தும் முடிந்து விடும் என்று மக்கள் நினைக்கின்றனர்.

நிலத்தின் பட்டாவுக்கு அப்பால் அது தொடர்பான மேலும் சில விஷயங்களில் மக்கள் கவனம் செலுத்த வேண்டும்.

குறிப்பாக, பத்திரத்தில் இருக்கும் சொத்தின் சர்வே எண்ணும், பட்டாவில் உள்ள சர்வே எண்ணும் சரியா என்பதை கவனிக்க வேண்டும். இதில், ஏதாவது உட்பிரிவு, பரப்பளவு மறைக்கப்பட்டு இருந்தால் அது குறித்த தகவல்களை கேட்டு பெற வேண்டியது அவசியம்.

பட்டாவுக்கும், பத்திரத்துக்கும் நிலத்தின் அளவு, சர்வே எண்ணில் வேறுபாடு பெரிதாக இருக்காது என்று பெரும்பாலான மக்கள் நம்புகின்றனர்.

இதில், உண்மையில் சர்வே எண், நிலத்தின் பரப்பளவு தொடர்பான வேறுபாடுகள் பல்வேறு சிக்கல்களை ஏற்படுத்துகின்றன.

இதற்கு அடுத்தபடியாக, பட்டாவுடன் சேர்ந்து எப்.எம்.பி., எனப்படும் நில அளவை வரைபடத்தை மிகசரியாக பயன்படுத்த வேண்டும்.  சொத்து வாங்குவோரில் பலரும் நில அளவை வரைபடத்தை சரியான முறையில் பயன்படுத்த வில்லை என்று கூறப்படுகிறது.

ஒருநிலம் எப்படி அளக்கப்படுகிறது என்பதை சரியாக புரிந்து கொண்டால் நிலஅளவை தொடர்பாக தெளிவு பெறலாம்.  இன்றளவும், நில அளவை வரைபடத்தில் குறிப்பிடப்படும் தகவல்கள் மக்களுக்கு புரியாத புதிராகவே பலருக்கும் உள்ளது.  பத்திரத்தில் உள்ள நிலத்தின் பக்க அளவுகளை சரி பார்ப்பதில் நிலஅளவை வரைபடம் மிகமுக்கிய ஆவணமாக உள்ளது.  ஒரு எப்.எம்.பி., யில், நிலத்தின் சர்வே எண், உட்பிரிவுஎண், பக்க அளவுகள், பரப்பளவு, அக்கம் பக்கத்து சர்வே எண்கள் ஆகிய விபரங்கள் இருக்கும்.

நீங்கள் வாங்கும் நிலத்துக்கான நில அளவை வரைபடத்தில் எல்லை கோடுகள் என்னவாக குறிப்பிடப்பட்டுள்ளன என்பதை சர்வேயர்கள் உதவியுடன் கேட்டு தெளிவு பெற வேண்டும்.  இத்தகவல் தொழில்நுட்ப ரீதியாக, எப் மற்றும் ஜி என்ற ஆங்கில எழுத்துக்களால் குறிப்பிடப்படுகின்றன.

எப்.எம்.பி., எனப்படும் நில அளவை வரைபடத்தில் நிலத்தில் நீளம், அகலம் ஆகியவை மீட்டரிலேயே குறிப்பிடுவது வழக்கமாக உள்ளது. அதே நேரம், பரப்பளவை பொருத்தமட்டில், ஏக்கர், ஏர், எக்டேர் போன்ற அளவுகள் மட்டுமே பயன்படுத்தப்படுகின்றன.

நீங்கள் வாங்கும் சொத்துக்கான பட்டாவில் உள்ள அளவுகள் பத்திரத்துடன் முழுமையாக ஒத்து போனாலும், நில அளவை வரைபட விபரங்களுடன் ஒத்து போகிறதா என்றும் பாருங்கள்.

பல இடங்களில் பட்டாவில் உள்ள விபரம் தவறாக இருக்கும் நிலையில் முந்தைய நில அளவை வரைபடங்கள் வாயிலாக மட்டுமே உண்மையை அறிய முடியும் நிலை ஏற்படுகிறது என்கின்றனர் நகரமைப்பு வல்லுனர்கள்.

அக்கம் பக்கத்து விலை நிலவரம் அறியாமல் வீடு, மனை வாங்காதீர்!

 

சொந்தமாக வீடு, மனை வாங்க வேண்டும் என்று திட்டமிடும் நிலையில் அதற்கான ஆவணங்கள் ரீதியான விஷயங்களுக்கு அப்பால் விலையில் கூடுதல் கவனம் செலுத்த வேண்டும்.  ஒரு சொத்துக்கு அதன் உரிமையாளர் சொல்லும் விலை எதன் அடிப்படையில் கணக்கிடப்பட்டது என்பதை கேட்டு தெரிந்துக்கொள்ள வேண்டும்.

நீங்கள் ஒரு கட்டுமான நிறுவனத்தின் குடியிருப்பு திட்டத்தில் புதிய வீட்டை வாங்குவதாக இருந்தால், அதில் தெரிவிக்கப்படும் விலையின் உள்ளடக்கம் என்ன என்று கேட்க வேண்டும், நிலத்துக்கான விலை என்ன, கட்டுமான பணிக்கான செலவு என்ன என்பதை தெளிவாக விசாரிப்பது அவசியம்.

அடுக்குமாடி திட்டங்களில் வீடு வாங்கும் போது நிலத்தின் விலைக்கும், கட்டடத்தின் மதிப்புக்கும் இடையிலான வேறுபாடு, 10 முதல், 20 சதவீதம் தான் இருக்கும். அதே நேரத்தில் பழைய அடுக்குமாடி திட்டத்தில் விற்பனைக்கு வரும் வீட்டுக்கு விலை எனும் போது, நிலத்தின் மதிப்பு அதிகரித்தும், கட்டட மதிப்பு குறைந்தும் இருக்கும்.

ஒரு குறிப்பிட்ட பகுதியில் அடுக்குமாடி திட்டத்தில் வீடு வாங்கும் போது, அதில் நிலத்துக்கான விலையாக குறிப்பிடப்படும் தொகை என்ன என்று பாருங்கள், அந்த பகுதியில் தற்போது நிலத்தின் விற்பனை விலை என்ன, சந்தை மதிப்பு, வழிகாட்டி மதிப்பு ஆகியவற்றின் அடிப்படையில் விசாரிக்க வேண்டும்.
இத்துடன் நிற்காமல், அப்பகுதியில் அக்கம் பக்கத்தில் நிலம், வீடு விற்பனை செய்யப்படும் நிலையில் அதன் விலை குறித்தும் விசாரிக்க வேண்டியது அவசியம். அதே போன்று, பழைய வீடு விற்கும் நிலையிலும், அப்பகுதியின் நிலத்தின் மதிப்பு என்ன என்று விசாரிப்பது அவசியம். இது போன்ற விசாரணையில் தெரியவரும் தகவல்கள் அடிப்படையில் தான் விற்பனையாளர் சொல்லும் விலையின் உண்மை தன்மையை சரி பார்க்க வேண்டும். சில இடங்களில் சம்பந்தம் இல்லாத வகையில் விலை அதிகமாகவும், மிக குறைவாகவும் இருந்தால் அது தொடர்பான விசாரணையை தீவிரப்படுத்த வேண்டும்.

அக்கம்பக்கத்து நிலவரத்துக்கு சம்பந்தம் இல்லாத வகையில் விலை குறிப்பிடப்படும் நிலையில், சொத்து வாங்குவோர் கவனமாக செயல்பட வேண்டும். நீங்கள் வீடு வாங்கும் திட்டத்தில் வீடுகளுக்கான நிலத்தின் பிரிபடாத பங்கு அளவுக்கு தான் நிலத்தின் மதிப்பு சேர்க்கப்பட வேண்டும்.

வாகன நிறுத்துமிடம் போன்ற விஷயங்களுக்கு சதுர அடி அடிப்படையில் பணம் வசூலிக்க கூடாது, வாகன நிறுத்துமிடத்துக்கான கட்டணத்தை விலையுடன் சேர்த்து வசூலிப்பதற்கு சட்டப்பூர்வமாக எந்த அனுமதியும் வழங்கப்படவில்லை என்பதை புரிந்து செயல்படுங்கள்.

சொத்து வாங்கும் போது அதன் விலை தொடர்பான விஷயங்களை ஒன்றுக்கு பலமுறை தெளிவாக விசாரிக்க வேண்டியது அவசியம் என்கின்றனர் ரியல் எஸ்டேட் சொத்து மதிப்பீட்டாளர்கள்.

Is Your Rental Property Insured?

 Is Your Rental Property Insured?

Often people skip taking insurance for their properties, which they rent out. Read on to understand why it is important?to have rental property insurance

Renting out property is considered one of the best ways to earn passive income while the underlying asset appreciates over time. But do you know how to ensure this ‘mailbox money’ keeps coming every month? The answer is Rental Property Insurance (RPI).

What is rental property insurance?

 “Rental property insurance, also known as landlord insurance, is designed to protect homeowners who rent out their properties, ensuring it remains a valuable asset and a long-term revenue-generating investment,” .

Who can take rental property insurance? 

“It is available to anyone who owns a property (residential or commercial) that is leased to others. The property owner needs to declare that the property is used for rental purposes and not as the primary residence” .

How does it help the property owner? 

From peace of mind to financially protecting yourself from a multitude of potential pitfalls, rental property insurance safeguards you in numerous ways. Elaborating on the same,

From peace of mind to financially protecting yourself from a multitude of potential pitfalls, rental property insurance safeguards you in numerous ways. Elaborating on the same,

Unforeseen events and costly repairs:

India is prone to natural disasters such as earthquakes, floods and cyclones. Fire or vandalism can also cause significant damage. Without insurance, the financial burden of repairs or rebuilding falls on the landlords’ shoulders.  

Navigating tenant issues:

Tenants can cause accidental or malicious damage such as a bursting a pipe or faulting with electrical connections, leading to both heavy bills and/or big repair costs. 

Loss of rental income:

If a disaster makes the property uninhabitable or the tenant absconds, your rental income stops. And if this rental income is the sole source of income, what would one do? Thus, some insurance policies offer loss of rent coverage, providing financial compensation during such periods, and ensuring your income stream remains stable. 

Liability protection:

Accidents involving tenants or guests can lead to lawsuits, which can be expensive. RPI with liability coverage covers legal expenses from such claims, protecting your finances. 

Peace of mind:

Knowing that you are financially protected allows you to manage your property without constant worry and helps you focus on other important things in your life. 

How is rental property insurance different from home insurance?

Though both share some similarities, they cater to different situations and offer distinct coverage options. Giving more information,

RPI is designed for landlords who own properties that are rented out to tenants, while home insurance is intended for homeowners who occupy the property themselves as their primary residence. 

RPI focuses on protecting the physical structure of the property, potential liabilities related to tenants and loss of rental income, while home insurance primarily covers the structure of the home, along with the owner’s personal belongings within the property. 

The difference in insurance premiums for both types of insurance will vary based on coverage options and specific circumstances.