பட்டா எண் விளக்கம்!

 பட்டா என்றால் என்ன?

‘பட்டா எண்’ என்பது பட்டாவில் இருக்கும் எண் அவ்வளவே.  அந்த எண்ணை வைத்துக் கொண்டு ஏரியா வாரியாக கணினியில் அதிகாரிகள் ஒரு தட்டு தட்டினால் அந்த எண்ணுக்கு உரிய நபரின் பெயர், முகவரி, நிலங்களின் அளவு என எல்லாம் வந்து விழும்.  ‘சர்வே எண்’ என்பது  வேறு.  இப்போது பட்டா எண்ணையும் பத்திரத்தில் குறிக்கிறார்கள்.

சொத்துக்களின் வில்லங்க சான்றிதழ்களை பயன்படுத்துவது எப்படி?

 

வீடு, மனை போன்ற சொத்துக்களை வாங்குவோர், அவை தொடர்பான முந்தைய பரிமாற்றங்களை அறிய வில்லங்க சான்றிதழ் பேருதவியாக உள்ளது.  தமிழகத்தில் சொத்துக்களுக்கான வில்லங்க  சான்றிதழ்களை பெற, இரண்டு விதமான வழிமுறைகள் அமலில் உள்ளன.

இதன்படி,சொத்துக்களின் முந்தைய பரிமாற்றங்கள் மற்றும் வில்லங்க விபரங்களை இலவசமாக ஆன்லைன் முறையில் பார்ப்பது.  இதற்கு அடுத்தபடியாக, முறையாக அதிகாரிகள் கையெழுத்து, முத்திரையுடன் ஆன்லைன் முறையில் கட்டணம் செலுத்தி வில்லங்க சான்றிதழ் பெறலாம்.

இதில் முதலில் தெரிவிக்கப்பட்ட வழிமுறை என்பது, ஒரு சொத்து தொடர்பாக ஏதாவது வில்லங்கம் உருவாகியுள்ளதா என்பதை அடிப்படை நிலையில் மக்கள் அறிய பதிவுத்துறை கொடுத்துள்ள வாய்ப்பு.  கடந்த 2013ல் தமிழக அரசு அறிவித்த இந்த வழிமுறை, வீடு, மனை வாங்குவோருக்கு பேருதவியாக உள்ளது.

இதில், மேனுவல் முறையில் கட்டணம் செலுத்தி வில்லங்க சான்றிதழ் பெறுவதும் தற்போது ஆன்லைன் முறைக்கு மாற்றப்பட்டுள்ளது.  இதனால், பொதுமக்கள் வீட்டில்  இருந்தபடியே ஆன்லைன் முறையில் கட்டணம் செலுத்தி வில்லங்க சான்றிதழை பெறலாம்.

இதில், சொத்து தொடர்பான என்ன வகை பரிமாற்றத்தில் தற்போது ஈடுபட இருக்கிறீர்கள் என்பதை அறிந்து, அதற்கு ஏற்ற வழிமுறையை தேர்வு செய்ய வேண்டும்.  குறிப்பாக, உங்கள் தகவலுக்காக, சொத்தில் ஏதாவது வில்லங்கம் ஏற்பட்டு இருக்குமோ என்ற சந்தேகம் ஏற்பட்டால், அதற்கு இலவச வழிமுறையை பயன்படுத்தலாம்.

அதே நேரம், வங்கியில் கடன் பெறுவது உள்ளிட்ட நடவடிக்கைகளில் ஈடுபடுவதாக இருந்தால், கட்டணம் செலுத்தி, கையெழுத்து, முத்திரையுடன் வழங்கப்படும் வில்லங்க சான்றிதழை பெறுவது அவசியம்.  ஆனால், இதிலும் சில வங்கிகள், அடிப்படை ஆய்வுகளின் போது இலவச முறையில் வழங்கப்படும் வில்லங்க விபரங்கள் இருந்தால் போதும் என்று விட்டுவிடுகின்றனர்.

அடிப்படை ஆய்வுகள் முடித்து கடன் கொடுப்பதற்கான ஒப்பந்தம் தயாரிப்பது, பதிவு செய்யும் நிலையில் கட்டணம் செலுத்தி பெறப்படும் வில்லங்க சான்றிதழ்களை வங்கிகள் கேட்கின்றன.  இதன்படி, வங்கிகளின் தேவைகள், கருத்துகள் அடிப்படையில் வில்லங்க சான்றிதழ்களை பெறுவது நல்லது.

குறிப்பாக, புதிய வீடு, மனை வாங்குவதற்கான தேடலில் ஈடுபட்டுள்ள நிலையில், ஒவ்வொரு சொத்துக்கும் கட்டணம் செலுத்தி வில்லங்க சான்றிதழ் வாங்கி ஆய்வு செய்வது சரியான வழிமுறையாக இருக்காது.  இது போன்ற சமயத்தில் இலவச முறையில் வில்லங்க விபரங்களை பயன்படுத்துவது நல்லது.

இதில் ஒரு குறிப்பிட்ட சொத்தை தேர்வு செய்த பின், அது தொடர்பான அடுத்த கட்ட நடைமுறைகளில் ஈடுபடும் போது, கட்டணம் செலுத்தி பெறப்படும் வில்லங்க சான்றிதழ்களை பயன்படுத்துவது நல்லது.  இந்த வேறுபாட்டை சரியாக புரிந்து செயல்பட்டால் சிக்கல்களை தவிர்க்கலாம் என்கின்றனர் பதிவுத்துறை அலுவலர்கள்.

பிளம்பிங் இணைப்புகளை சரி பார்க்காமல் சுவரில் டைல் பதிக்கலாமா?

 

பிளம்பிங் இணைப்புகளை சரி பார்க்காமல் சுவரில் டைல் பதிக்கலாமா?

புதிதாக வீடு கட்டும் போது அதில் அடிப்படை கட்டுமானங்களில் கவனம் செலுத்தினால் போதும் என்று தான் பலரும் நினைக்கின்றனர். ஆனால், சுவர்கள் கட்டு வது, அதில் டைல்ஸ் எனப்படும் பதிகற்கள் அமைப்பது தொடர்பான பல்வேறு விஷயங்களிலும் கூடுதல் கவனம் செலுத்த வேண்டும்.

சமீப காலமாக, வீடுகளில் தரைகள் மட்டுமல்லாது, சுவர்களிலும் பதிகற்கள் அமைக்கும் பழக்கம் பரவலாக அதிகரித்துள்ளது.இது போன்று சுவர்களில் பதிகற்கள் அமைத்துவிட்டால், எவ்வித ஈர கசிவும் ஏற்படாது என்று தான் பெரும்பாலான மக்கள் நினைக்கின்றனர்.

உண்மையில் தண்ணீர் பயன்பாடு அதிகம் உள்ள இடங்களில் சுவர்களில் பதிகற்கள் அமைப்பது நல்ல பலனை தரும் என்று நம்பப்படுகிறது.

ஒருவகையில் இது சரியான வழிமுறையாக தெரிந்தாலும், பயன்பாட்டு நிலையில் பதிகற்கள் அமைக்கப்பட்ட சுவர்களில் வேறு எந்த சீரமைப்பு வேலையும் செய்யமுடியாது.

குறிப்பாக, பெரும்பாலான வீடுகளில் குளியலறையில் பிளம்பிங் குழாய்கள் கன்சீல்டு முறையில் சுவருக்குள் பதிக்கப்படுவது வழக்கமாக உள்ளது. இவ்வாறு சுவருக்குள் பிளம்பிங் குழாய்களை பதிக்கும் நிலையில் அதில், பிற்காலத்தில் ஏதாவது உடைப்பு ஏற்பட்டது தெரிந்தால், டைல்ஸ் பதித்த நிலையில் சீரமைப்பு பணிகள் பாதிக்கப்படும்.

எனவே, உங்கள் வீட்டு குளியலறை உள்ளிட்ட பகுதிகளில் பதிகற்கள் அமைக்க வேண்டும் என்று திட்டமிட்டால், அங்கு பிளம்பிங் குழாய் அமைக்கும் பணியில் கூடுதல் கவனம் செலுத்த வேண்டும். குறிப்பாக, பிளம்பிங் குழாய்களை தேர்வு செய்வதில் துவங்கி, வற்றை இணைப்பது வரையிலான நிலைகளில் கவனமாக செயல்பட வேண்டும்.

குறிப்பாக, பிளம்பிங் குழாய்களை அமைக்கும் போது அதில் உடைப்புகள் எதுவும் உள்ளதா என்பதை ஆரம்பத்திலேயே உரிய கருவிகளை பயன்படுத்தி சரி பார்க்க வேண்டும். ஒரு இடத்தில் தண்ணீர் வினியோகத்துக்காக பிளம்பிங் குழாய்கள் அமைக்கும் போது அதில் முழுமையாக தண்ணீர் பயன்படுத்தும் போது, எவ்வளவு அழுத்தம் ஏற்படும் என்பதை சரி பார்ப்பது அவசியம்.

இதற்கான சில நவீன கருவிகள் வந்துள்ள நிலையில், உரிய வல்லுனர்களை அணுகினால், இத்தகைய கருவிகள் வாடகை அடிப்படையில் கிடைக்கும். இக்கருவியை வரவழைத்து, பிளம்பிங் குழாய்களில் அதிகபட்ச அழுத்தம் கொடுத்து, உடைப்பு, கசிவு ஏற்படுகிறதா என்பதை சரி பார்க்க வேண்டும்.

இத்தகைய ஆய்வு பணிகள் முடிக்கப்பட்ட நிலையில் தான் சுவரில் பதிகற்கள் அமைக்கும் பணிகளை மேற்கொள்ள வேண்டும். இதில் தற்போது, தரை போன்று சுவர்களுக்கும் ஸ்லாப் வடிவத்தில் பெரிய பதிகற்கள் வந்துள்ளதால், அதை பயன்படுத்துவது நல்லது என பரிந்துரைக்கப்படுகிறது.

சுவர்களில் பதிகற்கள் அமைத்துவிட்டால் அங்கு அடிக்கடி உடைத்து சீரமைப்பு பணிகள் மேற்கொள்ள முடியாது என்பதை கவனத்தில் வைத்து செயல்பட வேண்டும் என்கின்றனர் கட்டுமான பொறியாளர்கள்.

புதிய வீட்டுக்கான முன்பதிவு செய்வதில் கவனிக்க வேண்டியவை !

 புதிய வீட்டுக்கான முன்பதிவு செய்வதில் கவனிக்க வேண்டியவை !

சொந்த வீடு வாங்க வேண்டும் என்று நினைப்பவர்கள் புதிதாக அறிவிக்கப்படும் குடியிருப்பு திட்டங்களில் தங்களுக்கான வீட்டை முன்பதிவு செய்வது வழக்கம். இதில், மக்களை ஈர்க்க கட்டுமான நிறுவனங்கள் முதலில் வரும் நபர்களுக்கு பல்வேறு சிறப்பு சலுகைகளை வழங்குகின்றன. 

சில ஆண்டுகள் முன்பு வரை புதிய திட்டங்கள் அறிவிக்கப்படும் நாட்களில், அதில் வீடு வாங்க முன்பதிவு செய்வதில் மக்களிடம் கடும் போட்டி இருந்தன. இதை ஊக்குவிக்கும் வகையில் கட்டுமான நிறுவங்கள் சலுகைகளை வாரி வழங்கி வந்தன.

பொதுவாக, இப்படி புதிய திட்டம் அறிவிக்கப்படும் போது முன்பதிவு செய்தால், அப்போது, அடையாளமாக 1 லட்சம் ரூபாய் வரை மக்கள் செலுத்துவர். அதன் பின் நிலத்தின் பிரிபடாத பங்கான யு.டி.எஸ்., பத்திரப்பதிவு முடிந்த பின், வங்கிக்கடன் வாயிலாக வீட்டின் விலை தொகை கட்டுமான நிறுவனத்துக்கு வரும். 

இவ்வாறு வரும் தொகையை அடிப்படையாக வைத்து தான் கட்டுமான பணியில் ஏற்படும் பல்வேறு செலவுகளை கட்டுமான நிறுவனங்கள் சமாளிக்கும்.

இதில் ஜி.எஸ்.டி., அமலுக்கு வந்த பின், கட்டுமான திட்டம் அறிவிக்கப்படும் போதும், கட்டுமான பணிகள் நடக்கும் நிலையில் விற்பனையாகும் வீட்டுக்கு ஐந்து சதவீத ஜி.எஸ்.டி., வரி விதிக்கப்படுகிறது. 

ஆனால், கட்டுமான பணிகள் முடிக்கப்பட்டு உரிய சி.சி,, சான்றிதழ் பெற்ற நிலையில், அந்த வீட்டை வாங்கும் போது ஜி.எஸ்.டி., வரி விதிக்கப்படாது. இதனால், பெரும்பாலான மக்கள் கட்டுமான பணிகள் முடிக்கப்படும் வரை காத்திருந்து அதன் பின் அந்தந்த திட்டங்களில் வீடு வாங்க முன்வருகின்றனர்.

இதனால், கட்டுமான நிறுனங்களுக்கு பெரிய அளவில் நிதி நெருக்கடி ஏற்படுவதுடன், வீடுகள் விற்பது உறுதியாகாத நிலையில் அவர் வங்கியில் கடன் வாங்கி செலவு செய்ய வேண்டியுள்ளது. 

இது புதிய கட்டுமான திட்டங்களை செயல்படுத்துவதில், கட்டுமான நிறுவனங்களுக்கு நிச்சயமற்ற நிலையை ஏற்படுத்தும். 

எனவே, புதிய வீடு வாங்கும் மக்கள் கட்டுமான நிலையில் உள்ள வீடுகளை வாங்க முன்வந்தால் தான் அடுத்தடுத்த புதிய திட்டங்கள் வருவதற்கு ஏற்ற சூழல் உருவாகும்.  குறிப்பாக, ஜி.எஸ்.டி., தொடர்பாக சில விஷயங்களை மக்கள் புரிந்துக்கொள்ள வேண்டும்.

கட்டுமான பணி முடிந்து, சி.சி. சான்று வாங்கிய வீடுகளுக்கு ஜி.எஸ்.டி., வரி இல்லை என்றாலும், அதில் பல்வேறு நிலைகளில் கட்டுமான நிறுவனம் செலுத்திய ஜி.எஸ்.டி., வரி தொகை, விலையில் தான் சேர்க்கப்படும் என்பதை மக்கள் புரிந்து செயல்பட வேண்டும்.

மேலும், தற்போது ரியல் எஸ்டேட் ஒழுங்குமுறை ஆணைய பதிவு விதிகளின்படி, கட்டுமான பணி முடியும் நாள் குறித்த விபரங்களை, முன்கூட்டியே தெரிவிக்க வேண்டும். தவறினால் அபராதம் விதிக்கப்படும் என்கின்றனர் கட்டுமான துறை வல்லுனர்கள்.

பத்திரப்பதிவுக்கு செல்லும் போது இதையும் கொஞ்சம் திட்டமிடுங்கள்!

 பத்திரப்பதிவுக்கு செல்லும் போது இதையும் கொஞ்சம் திட்டமிடுங்கள்!

வீடு, மனை வாங்கும் போது அதற்கான பத்திரப்பதிவை மேற்கொள்வதில் பல்வேறு விஷயங்களை துல்லியமாக கவனிக்க வேண்டும். பத்திரத்தில் என்னென்ன தகவல்கள் இருக்க வேண்டும் என்பதற்கு பல்வேறு வழிகாட்டுதல்கள் வழங்கப்படுகிறது என்றாலும், மக்கள் விழிப்புடன் இருக்க வேண்டும்.

பத்திரப்பதிவு விஷயத்தில் பெரும்பாலும் ஆவண எழுத்தர்கள் அனைத்தையும் பார்த்துக்கொள்வார்கள் என்று மக்கள் அலட்சியமாக இருக்கின்றனர். கிரைய பத்திரம் தயாரிப்பு உள்ளிட்ட பணிகளை ஆவண எழுத்தர்கள் கவனித்துக் கொள்வார் என்றாலும் மக்கள் சில நடைமுறை விஷயங்களை அறிந்து இருக்க வேண்டும்.

தற்போதைய நிலவரப்படி, சொத்து விற்பனையின் போது, அதன் மதிப்பில், ஏழு சதவீதம் முத்திரைத்தீர்வையாகவும், நான்கு சதவீதத்தை பதிவு கட்டணமாகவும் செலுத்த வேண்டும். இதற்கான தொகையை எப்படி செலுத்துவது என்பதற்கு பதிவுத்துறை உரிய வசதிகளை செய்துள்ளது.

முத்திரைத்தீர்வை, பதிவு கட்டணங்களை மதிப்பீடு செய்து அத்தொகைக்கு முத்திரைத்தாள்கள் வைப்பது பல ஆண்டுகளாக பழக்கத்தில் உள்ளது. ஆனால், தற்போது சொத்து மதிப்புகள் வெகுவாக அதிகரித்துள்ள நிலையில், சில இடங்களில் இரண்டு முதல் ஐந்து லட்ச ரூபாய் வரை இத்தொகை வருகிறது.

இவ்வளவு மதிப்புக்கும் முத்திரைத்தாள் வாங்க வேண்டும் என்பதில் பல்வேறு நடைமுறை சிக்கல்கள் எழுகின்றன. எனவே, இத்தொகையில், 50,000 ரூபாய் அளவுக்கு முத்திரைத்தாள்களை வாங்கிக்கொண்டு மீதி தொகையை ஆன்லைன் முறையில் செலுத்தலாம்.

முத்திரைத்தீர்வை, பதிவு கட்டணத்தின் மொத்த தொகையையும் ஆன்லைன் முறையில் வங்கியில் செலுத்தலாம் அல்லது இ ஸ்டாம்பிங் முறையில் செலுத்தலாம். இருப்பினும், குறிப்பிட்ட தொகைக்கு முத்திரைத்தாள்கள் இருந்தால் தான் சொத்து பத்திரத்துக்கு ஒரு மதிப்பு இருக்கும் என்ற எண்ணம் மக்களிடம் காணப்படுகிறது.

பதிவுக்கான பத்திரத்தை தயாரிப்பதில் பெரும்பாலான ஆவண எழுத்தர்கள் தங்கள் பணியை சுருக்கமாக முடித்துக்கொள்வதில் ஆர்வமாக உள்ளனர். இதற்காக பத்திரத்தின் பக்கங்களை குறைப்பது, அதில் இடம் பெற வேண்டிய விபரங்களை குறைத்துக்கொள்வது போன்ற வழிமுறைகளை பின்பற்றுகின்றனர். உங்களுக்கான பத்திரத்தில் என்னென்ன தகவல்கள் இருக்க வேண்டும் என்பதை நீங்களே முடிவு செய்யுங்கள்.

ஆவண எழுத்தர் கூறும் காரணங்கள் ஏற்க

தக்கதாக இல்லை என்றால், நேரடியாக சார்-பதிவாளரை சந்தித்து தெளிவு பெறலாம். பத்திர தயாரிப்பு நிலையில் ஏற்படும் சந்தேகங்களுக்கு சார்--பதிவாளர் அலுவலகத்தை அணுகலாம் அல்லது பதிவுத்துறையின் வழிகாட்டி மையத்தை அணுகி தெளிவு பெறலாம் என்கின்றனர்பதிவுத்துறை அதிகாரிகள்.

பிழை திருத்த பத்திரத்தை பதிவு செய்வதில் கவனமாக செயல்படுங்கள்!

 பிழை திருத்த பத்திரத்தை பதிவு செய்வதில் கவனமாக செயல்படுங்கள்!

சொத்துவாங்கும் போது அதற்கான பத்திரத்தை முறையாக பதிவு செய்வதில் மிகுந்த கவனத்துடன் செயல்பட வேண்டும். இதில் சிறு எழுத்து பிழை கூட பெரிய அளவில் பிரச்னைகளை ஏற்படுத்திவிடும்.அதிலும், பதிவுக்கு செல்லும் முன் வரைவு நிலையில் பத்திரத்தை மூன்று முறையாவது படித்து தெளிவாக வேண்டும்.

ஆனால், நம்மில் பலரும், வரைவு பத்திரத்தையும் படிப்பதில்லை, பதிவான பத்திரத்தையும் படிப்பதில்லை.நீங்கள் பல லட்ச ரூபாய் கொடுத்து வாங்கும் ஒரு சொத்துக்கான பத்திரங்களை பொறுமையாக படிக்க நேரம் ஒதுக்க வேண்டியது அவசியம். இதில் தட்டச்சு நிலையில் ஏற்படும் சிறிய பிழையும் உங்களை பல நாட்களுக்கு அலைய வைக்கு வாய்ப்புள்ளது என்பதை மக்கள் புரிந்து கொள்ள வேண்டும்.

மிக துல்லியமாக பத்திரத்தை படித்தாலும், தெரு பெயர், விற்பவரின் தந்தை பெயர், முகவரி தொடர்பான விஷயங்களில் சிறு பிழைகள் ஏற்படும். இந்த பிழைகளை கண்டுபிடிக்கும் போது அதை திருத்திக் கொள்வது நல்லது.இவ்வாறு, பத்திரத்தில் பிழைகளை திருத்த சார் - பதிவாளரை அணுகி விண்ணப்பிக்க வேண்டும்.

பிழை திருத்த பத்திரத்தை தயாரித்து பதிவுக்கு தாக்கல் செய்ய வேண்டும்.சொத்து மாறவில்லை, மதிப்பு மாறவில்லை என்ற நிலையில், பிழை திருத்த பத்திரங்களுக்கு பெயரளவுக்கான கட்டணம் மட்டுமே வசூலிக்க வேண்டும். ஆனால், பல இடங்களில் சொத்து மதிப்பு மாறாத நிலையிலும், முத்திரைத்தீர்வை வசூலிக்கப்படுவதாக கூறப்படுகிறது.

சமீபத்தில் ஒரு வழக்கில் சொத்து மதிப்பு மாறாத பிழை திருத்த பத்திரங்களுக்கு கூடுதல் கட்டணம் வசூலிக்கக் கூடாது என்று தீர்ப்பளிக்கப்பட்டுள்ளது. இந்த தீர்ப்பை அமல்படுத்துவதில் பதிவுத்துறை தயக்கம் காட்டி வருகிறது.

இருப்பினும், பொது மக்கள் பிழை திருத்த பத்திரங்களை பதிய கூடுதல் கட்டணம் செலுத்தாமல் இருப்பதே நல்லது. அடாவடியாக யாராவது கட்டணம் கேட்டு வற்புறுத்தினால், அதுகுறித்து பதிவுத்துறை தலைவர் அலுவலகத்துக்கு புகார் அளிக்கலாம்.

பிழை திருத்த பத்திர விஷயத்தில் பொதுமக்கள் விழிப்புடன் இருப்பது அவசியம் என்கின்றனர் சார் - பதிவாளர்கள்.

Legally Speaking: All You Need To Know About A Lease Deed

 All You Need To Know About A Lease Deed

Leasing out your property can earn you continuous income for years. Here’s why a lease deed is important and what it means for both landlords and tenants

Owning a property is a matter of pride. And if the property owner can further earn an income from it, it becomes a lucrative investment. One of the best ways to earn income through your property is by leasing it out to tenants.

What does a 'Lease' mean?

A ‘lease’ is defined under Section 105 of the Transfer of Property Act, 1882. It is a legal contract that specifies the exact terms under which a party agrees to rent a property owned by another party.  Here, the lease guarantees the tenant or lessee the use of the property. According to the terms in a lease, the tenant is granted exclusive possession of a property for a period of time specified in the contract. During the lease tenure, it is the lessee’s responsibility to take care of the property.

The lease deed

A lease deed is the contract signed between the property owner and the tenant for the use of the specific property on a lease rental basis. A lease contract is typically executed for a longer tenure, often exceeding a year or more. In a lease deed, the lessee ‘buys’ the lease rights to the lessor’s property for using the said property. A lease deed, therefore, contains all the important official information regarding the terms and conditions, the financial aspects such as the rent amount and deposit, sub-letting clause, renewal period, etc.

Conditions of a lease deed

For a lease deed to qualify as a legal instrument, it has to fulfil certain conditions which include the following:

• The landlord (lessor) has to transfer the right to use the property being leased out to the tenant (lessee)

• The landlord has to receive a monthly rent in exchange for transferring the right to make use of the property to the tenant

• Both parties can enter into an agreement where the tenant could pay a share of crops, service or any other thing of value’ to the landlord besides cash payment

Contents of a lease deed 

A typical lease deed must contain the following details to qualify as a legal document:

• Property description: This includes the type of property/structure, the area, location, address, furniture, and fittings, etc.
• Lease period: The specific tenure of the lease agreement must be mentioned. It can range from 12 months to more
• Lock-in period: This is the minimum period for which both parties should be in agreement about; they cannot terminate the agreement during the lock-in period
• Rent amount: The monthly/quarterly/ annual rent amount and the date on which it has to be paid
• Security deposit: The refundable deposit amount which the landlord will hold as security. The refund process should also be outlined
• Rent escalation: If both parties agree for an increase in the rent or want to keep it the same
• Terms of usage: The conditions for the use of the property must be detailed. These can include the tenant’s responsibility to maintain it, the maintenance fee, if any, sub-letting of the property by the tenant to another party, etc.
• Notice period: The lease agreement should contain the period of notice each party needs to give to end the agreement
• Termination: The reasons for which the lease agreement can be terminated must be mentioned. This can include the use of the property for any illegal acts, failure to pay rent on due date, tenant creating nuisance, etc.
• Dispute resolution mechanism: Description of the manner in which any legal dispute between the landlord and tenant arising out of breach of the lease deed will be dealt with, such as Alternative Dispute Redressal (ADR) processes like mediation or arbitration, which court will have the jurisdiction, etc.

Lease deed registration

The tenant leasing out the property has to pay the lease deed registration and stamp duty fees. In some cases, this is split equally between the landlord and tenant. Both of these payments can be done online in Maharashtra through the official portal.

Documents for submission

In order to register the lease deed, the following documents are required to be uploaded:

• The rental agreement printed on stamp paper and signed by the landlord, tenant, and two witnesses
• Property documents of the property to be leased out such as a tax receipt
• The original proof of ownership of the property from the landlord
• Address proof copy of the landlord, the tenant, and the witnesses, such as bank passbook, passport, etc. While a lease deed is vital for both residential and commercial properties, it can be more detailed if it is a corporate lease. A qualified advocate can draft a customised lease deed as agreed upon by the landlord and the tenant.

கிரைய பத்திரம் தயாரிப்பில் ஆவண எழுதர்களை தேர்வு செய்வது எப்படி?

 கிரைய பத்திரம் தயாரிப்பில் ஆவண எழுதர்களை தேர்வு செய்வது எப்படி?

 சொத்து பரிமாற்றம் உள்ளிட்ட பணிகளுக்கான பத்திரங்களை தயாரிப்பதில் ஆவண எழுத்தர்கள் முக்கிய பங்கு வகிக்கின்றனர்.  இவர்களை முறைப்படுத்த பதிவுத்துறை தேர்வுகள் நடத்தி, சரியான நபர்களுக்கு உரிமம் வழங்கியுள்ளது.

 

தமிழகத்தில், தற்போதைய நிலவரப்படி, பதிவுத்துறை உரிமம் பெற்ற, 3,000க்கு மேற்பட்ட ஆவண எழுத்தர்கள் உள்ளனர்.  இவர்கள் பதிவு சட்டம், முத்திரை சட்டம் திருமண பதிவு சட்டம் போன்றவற்றின் அடிப்படை கூறுகளை அறிந்தவர்களாக இருக்க வேண்டும்.
 

புதிதாக சொத்து வாங்கும் போது, சம்பந்தப்பட்ட சார்பதிவாளர் அலுவலகத்தின் அருகில் கடை வைத்து செயல்படும் ஆவண எழுத்தர்களில் யாராவது ஒருவரை தேர்வு செய்கிறோம்.  இதில் பத்திரம் தயாரிப்பில் ஆவண எழுத்தர்களின் பங்களிப்பு அத்தியாவசியமானதாக உள்ளது.
சொத்து பரிமாற்றத்துக்கான ஒரு பத்திரம் எப்படி அமைய வேண்டும் என்பதற்கு அடிப்படை வரையறை உள்ளது. இதற்கான மாதிரிகளை பதிவுத்துறை இணையதளத்தில் வெளியிட்டுள்ளது.

இதில், விற்பவர், வாங்குபவர் குறித்த குறிப்புகளுடன், அந்த சொத்து எங்குள்ளது, அது யாரிடம் இருந்து, தற்போதைய விற்பனையாளருக்கு எப்படி கிடைத்தது என்பதை குறிப்பிட வேண்டும்.
சொத்தின் மதிப்பை குறிப்பிடுதல், அளவுகளை குறிப்பிடுதல் ஆகியவற்றில் எதிர்காலத்தில் சிக்கல் வராமல் எழுத வேண்டும்.

சமீபகாலமாக வழக்கறிஞர்கள் ஆவண எழுத்தர்களாக செயல்படுகின்றனர். முறையான உரிமம் பெற்ற ஆவண எழுத்தர், கல்வி தகுதி ரீதியாக வழக்கறிஞராக இருப்பதில் பிரச்சனை இல்லை.ஆனால், வழக்கறிஞராக தொழில் தொடங்கிய நபர், ஆவண எழுத்தர்கள் செயல்படும் நிலையில் தான் பல்வேறு சிக்கல்கள் ஏற்படுகிறது.இவ்வாறு, அவசர கோலத்தில் ஆவணம் எழுத வந்தவர்கள், தயாரிக்கும் பத்திரங்கள் மிக சுருக்கமாக முடிக்கப்படுகிறது.
 
பத்திரத்தில் அதிக தகவல்களை சேர்த்தால், பதிவின் போது தேவையில்லாத கேள்விகள் எழும். அதனால், பத்திரப்பதிவு பணிகள் தாமதமாகவும் வாய்ப்புள்ளது.
 
விரைவாக வேலையை முடிக்க சிக்கல் இன்றி சுருக்கமாக பத்திரம் எழுதுவது சிறந்தது என்பது இவர்களின் கருத்தாக உள்ளது. பொது மக்களும் விரைந்து முடித்து கொடுக்கிறார் என்பதற்காக இவர்களை அணுகுகின்றனர்.
 

வழக்கறிஞர் பத்திரத்தை படித்து அதில் வில்லங்கம் இருக்கிறதா என்று சரி பார்த்து ஆலோசனை வழங்கலாம். அவரே ஆவண எழுத்தராகவும் செயல்படும் போது நடைமுறையில் பல்வேறு சிக்கல்கள் ஏற்படுகின்றன.
  
எனவே, உங்கள் கிைரய பத்திரம் தயாரிக்க அனுபவம் வாய்ந்த, உரிமத்துடன் செயல்படும் ஆவண எழுத்தர்களை பயன்படுத்த வேண்டும் என்கின்றனர் சார்-பதிவாளர்கள். 

உயில் எழுதுவோருக்கு தயக்கம் ஏற்பட காரணங்கள் என்ன?

 உயில் எழுதுவோருக்கு தயக்கம் ஏற்பட காரணங்கள் என்ன?

  இன்றைய சூழலில், பெரும்பாலான உரிமையாளர்கள் தங்களின் சொத்து வாரிசுகளுக்கு சிக்கல் இன்றி கிடைக்க வேண்டும் என்று நினைக்கின்றனர்.  ஆனால், அதை உயிருடன் இருக்கும் போது பிரச்னை இன்றி முடித்துவிட வேண்டும் என்பதில் பலரும் ஆர்வத்துடன் இருக்கின்றனர்.
         இதில் சொத்தை வாரிசுகளுக்கு வழங்க உயில் மட்டுமே வழியாக பார்க்கப்பட்டது.  தற்போது, உரிமையாளர் செட்டில்மென்ட் பத்திரம் வாயிலாகவும் சொத்தை வாரிசுகளுக்கு வழங்கலாம் என்று பரவலாக பேசப்படுகிறது.
           உரிமையாளர்கள் உயிருடன் இருக்கும் போதே அவரது சொத்துக்களை வாரிசுகளுக்கு வழங்க உயில் எழுதுவது சரியான நடைமுறை தான்.  ஆனால், சில இடங்களில் உயில் எழுதுவது தொடர்பாக மக்களிடம் குழப்பம் நிலவுகிறது.
          குறிப்பாக, ஒருவர் உயில் எழுதிவிட்டால் அவர் இறந்து விடுவார் என்ற கருத்தை நம்புவோர், உயில் எழுதவே அச்சப்படுகின்றனர்.  இது கற்பனையில் உருவாகி பரவிவரும் கருத்து மட்டுமே.
          உயில் எழுதிய அனைவரும் இறந்து இருந்தால், அது பெரிய பிரச்னையை ஏற்படுத்தி இருக்கும்.  ஆனால், விழிப்புணர்வு இல்லாததால், கிராமங்களில் இது தொடர்பான மனதளவில் ஏற்படும் பாதிப்பு பல்வேறு சொத்து பிரச்னைகளுக்கு காரணமாக அமைகிறது.
          அதே நேரம், தன் பெயரில் உள்ள அனைத்து சொத்துக்களையும், வாரிசுகளுக்கு வழங்கிய பின் தனிமைபடுத்தப்பட்டு விடுவோமோ என்ற பயமும் உரிமையாளர்களை வாட்டி வதைக்கிறது.  நம்மிடம் சொத்து இருக்கிறது என்பதற்காக வாரிசுகள் இறுதி வரை பார்த்துக் கொள்வார்கள்.
          சொத்து இல்லாத நிலையில், எஞ்சிய வாழ்நாளை கடத்துவதில் பல்வேறு சிக்கல் ஏற்படும் என்பதும் உரிமையாளர்களுக்கு அச்சத்தை ஏற்படுத்துகிறது.
          எனவே, உயில் எழுதும் போது, யார் அந்த உரிமையாளரை இறுதி வரை பார்த்துக்கொள்ள வேண்டும் என்பதையும் குறிப்பிட்டு நிபந்தனை விதிக்கலாம்.
   ஆனால், பெரும்பாலான குடும்பங்களில் உயில் எழுதப்படும் நிலையில், அது பிள்ளைகளுக்கு தெரியாமல் பார்த்துக்கொள்வதே உரிமையாளர்களுக்கு பாதுகாப்பு.  இதையும் மீறி பிள்ளைகள் உண்மை நிலையை தெரிந்துக்கொண்டால் குடும்பத்தில் தேவையில்லாத சண்டைகள் ஏற்படலாம்.
          இது போன்ற பிரச்னைகளை கவனத்தில் வைத்து உரிமையாளர்கள் உயில் எழுதுவதில் முறையாக நடந்துக்கொள்வது அவசியம் என்கின்றனர் சட்ட வல்லுனர்கள்.  

சார் பதிவாளர் அலுவலகத்தில் உயில் பத்திரத்தை பதிவது கட்டாயமா?

 சார் பதிவாளர் அலுவலகத்தில் உயில் பத்திரத்தை பதிவது கட்டாயமா?

நாம் சம்பாதித்து சேர்த்த சொத்துக்கள், நமக்கு பின், நம் பிள்ளைகளுக்கு தானே என்று பலரும் அலட்சியமாக இருந்து விடுகின்றனர்.  இவ்வாறு நினைப்பது சரி ஆனால், அதற்கு என்ன ஆதாரம் என்பது தான் பிரச்னை.

         பொதுவாக, தந்தை சம்பாதித்த சொத்துக்கள் பிள்ளைகளுக்கு தான் என்பதில் யாருக்கும் ஐயமில்லை. ஆனால், அதில் யாருக்கு, எவ்வளவு என்பதை அவர்களே முடிவு செய்துக்கொள்ளலாம் என்று நினைப்பது தவறான சூழலை உருவாக்கி விடும்.

        சொத்துக்களை வாங்கிச் சேர்ப்பது வரவேற்கத் தக்க விஷயம் என்றாலும், அவற்றை முறையாக ஆவணப்படுத்துவது அதை விட அவசியமானது.  அப்போதுதான், அந்த சொத்துக்கள் சென்றடைய வேண்டியவரை சிக்கல் இல்லாமல் எளிதாக சென்றடையும்.

        உங்கள் சொத்துக்களுக்கு உயில் எழுதும் முன், சில அடிப்படை விஷயங்களை கவனத்தில் கொள்ள வேண்டும்.  குறிப்பாக, உயில் எழுதுவதற்கு தகுதியான சொத்துக்களை முறையாக பட்டியலிட வேண்டும்.

        முக்கியமாக, ஒரு சொத்தை வாங்கிய காலம் துவங்கி, பாகப் பிரிவினைக்கு உட்படுத்தும் காலம் வரை எத்தனை ஆண்டுகளாக கையிருப்பில் அந்தச் சொத்து இருக்கிறது என்பதைக் கவனிக்க வேண்டும்.  அந்தச் சொத்தின் மீது வில்லங்க விவகாரம் இல்லாததை உறுதி செய்ய வில்லங்கச் சான்றிதழைப் பெற வேண்டும்.

         எந்த சொத்து எங்கு உள்ளது, சர்வே எண் உள்ளிட்ட விபரங்கள், அளவுகள், தற்போதைய நிலவரம், முகவரி ஆகிய விபரங்களை தொகுக்க வேண்டும்.  இத்துடன், அந்த சொத்து வாயிலாக வருவாய் கிடைத்து வருகிறது என்றால், அதையும் பட்டியலில் சேர்க்க வேண்டும்.

        இதில், குடும்ப தலைவர்கள் நல்ல உடல் நலத்தில் இருக்கும் போதே, சொத்துக்களை உயில் வாயிலாக பகிர்ந்து கொடுப்பது பிற்காலத்தில் பிரச்னைகளை தவிர்க்க உதவும்.

        உயில் ஆவணத்தை முறைப்படி எழுதி, வழக்கறிஞரிடம் கொடுத்து வைப்பது அல்லது வங்கி லாக்கரில் வைப்பது போன்ற நடைமுறைகளை பின்பற்றலாம்.

        மேலும், உயில் பத்திரத்தை உடனடியாக சார்-பதிவாளர் அலுவலகத்தில் பதிவு செய்ய வேண்டும் என்பது கட்டாயமில்லை.  பதிவு செய்து விட்டால், அதை மாற்றுவதற்கு பல்வேறு நடைமுறைகளை பின்பற்ற வேண்டிய நிலை ஏற்படும்.

        எனவே, முறையாக எழுதி, பாதுகாப்பாக வைப்பதே நல்லது.  குடும்ப தலைவர் இறந்த பின், உயில் கண்டுபிடிக்கப்படும் போது, அதை அமல்படுத்த பதிவு செய்யலாம்.  உயில் எழுதும் போது, தங்களது எஞ்சிய வாழ்நாளுக்கு உரிய வழியை உறுதி செய்துக்கொள்ள வேண்டும்.

       சில குடும்ப தலைவர்கள் தங்கள் பெயரில் உள்ள சொத்துக்களை பிள்ளைகள் பெயருக்கு முழுமையாக கொடுத்து விடுவர்.  அவரது காலத்துக்கு பின், சொத்துக்களை பெறும் பிள்ளைகள், மனைவியை பார்த்துக் கொள்வர் என்று நினைக்கின்றனர்.

       இது எந்த அளவுக்கு சாத்தியம் என்பதையும் உணர்ந்து செயல்பட வேண்டும் என்கின்றனர் சட்ட வல்லுனர்கள். 

பத்திரத்தில் வீட்டின் பரப்பளவை குறிப்பிடுவதில் குழப்பங்களை தவிருங்கள்!

 பத்திரத்தில் வீட்டின் பரப்பளவை குறிப்பிடுவதில் குழப்பங்களை தவிருங்கள்!

அடுக்குமாடி குடியிருப்பு திட்டங்களில் வீடு வாங்கும் போது வீட்டின் பரப்பளவு தான் பத்திரத்தின் அடிப்படை தகவலாக இருக்கும்.  ஆனால், பழைய தனி வீட்டை வாங்குவோர் அதற்கான பத்திரத்தில் வீட்டின் பரப்பளவு தொடர்பான விபரங்களை குறிப்பிடுவதில் குழப்பம் ஏற்படுகிறது.  பொதுவாக, ஒரு சொத்தை வாங்கும் போது அதற்கான கிரைய பத்திரம் முறையாக எழுதப்பட வேண்டும்.

        இதில் இன்னார் பெயரில், அனுபவத்தில் உள்ள இந்த சொத்தை இவர் வாங்குகிறார் என்பதே அடிப்படையாக குறிப்பிடப்படும்.  இதில், இன்ன சொத்து என்பதில் குறிப்பிட வேண்டிய தகவல்கள் எது என்பதில் மக்கள் மத்தியில் பல்வேறு குழப்பங்கள் காணப்படுகின்றன.  அதிக மதிப்புள்ள பெரிய சொத்து வாங்குவோர் தான் கட்டட மதிப்புகளை குறிப்பிட வேண்டும் என்று பலரும் நினைக்கின்றனர்.
        ஆனால், பழைய கட்டடமாக உள்ள தனி வீட்டை வாங்குவோர் இத்தகைய மதிப்புகளை குறிப்பிட வேண்டியதில்லை என்ற கருத்து பரவலாக நிலவுகிறது.  பழைய தனி வீடு விற்பனையில் நிலத்தின் மதிப்பு மட்டுமே பத்திரத்தில் குறிப்பிடப்படுகிறது.
        அதில் வீடு ஒன்று உள்ளது என்ற அளவில் மட்டுமே விபரங்கள் சேர்க்கப்படுகின்றன.  அந்த வீடு எதனால் கட்டப்பட்டது, அதன் பரப்பளவு என்ன என்பதை பலரும் பத்திரத்தில் குறிப்பிடாமல் தவிர்க்கின்றனர்.
         இதனால், பத்திரப்பதிவில் கடைசி நிமிடத்தில் புதிய சிக்கல்கள் ஏற்படலாம்.  பத்திர தகவல்களை ஆய்வு செய்யும் சார்-பதிவாளர், அந்த நிலத்தில் உள்ள வீட்டின் மதிப்பு குறித்து ஆய்வு செய்ய வேண்டும் என்றால், பத்திரப்பதிவு தாமதமாகலாம்.
         மேலும், முறையான அங்கீகாரம் இன்றி கட்டப்பட்ட வீட்டின் பரப்பளவை பத்திரத்தில் குறிப்பிட பலரும் தயங்குகின்றனர்.  இவ்வாறு, உண்மையான அளவை தெரிவித்தால், சொத்து வரி மாற்றத்துக்கு செல்லும் போது சிக்கல் வரும் என்று மக்கள் நினைக்கின்றனர்.  இது போன்ற எண்ணங்கள்தான் வீடு வாங்குவோரை பெரிய சிக்கலில் கொண்டு விடும்.
   நீங்கள் வாங்கும் வீட்டின் உண்மையான மதிப்பு பத்திரத்தில் சேர்க்கப்படுவதன் அவசியத்தை மக்கள் புரிந்து கொள்ள வேண்டும்.
          முறையான அனுமதியின்றி கட்டப்பட்ட கட்டடமானாலும், அது குறித்து பத்திரத்தில் குறிப்பிட்டால், எதிர்காலத்தில் வரன்முறை செய்யும் போது, உதவியாக இருக்கும் என்பதை மக்கள் மறந்து விடுகின்றனர்.  சொத்து வாங்குவதற்கான பத்திர தயாரிப்பில் கட்டடத்தின் அளவுகளை சரியாக குறிப்பிடுவதன் அவசியத்தை மக்கள் உணர வேண்டும் என்கின்றனர் சார்-பதிவாளர்கள்.