யு.டி.எஸ்., முறையில் நிலத்தை வாரிசுகளுக்கு செட்டில்மென்ட் செய்யலாமா?

 யு.டி.எஸ்., முறையில் நிலத்தை வாரிசுகளுக்கு செட்டில்மென்ட் செய்யலாமா?

             கிராமங்களில் ஏக்கர் கணக்கில் நிலம் வைத்து இருப்பவர்கள் அடுத்தடுத்த தலைமுறைகளுக்கு பங்கு பிரிக்கும் போது நடைமுறை சிக்கல்கள் ஏற்படுவதில்லை.  ஆனால், நகரங்களில் நிலைமை அப்படியே மாறிவிடுகிறது.

            சென்னை போன்ற நகரங்களில் நடுத்தர வருவாய் பிரிவை சேர்ந்தவர்கள் அதிகபட்சமாக 1 கிரவுண்ட் நிலம் வைத்திருந்தாலே பெரிய விஷயமாக பார்க்கப்படுகிறது.  இவ்வாறு, 1 கிரவுண்ட் அளவில் நிலம் வைத்துள்ளவர்கள் அதை பங்கு பிரிப்பதில் பல்வேறு நடைமுறை சிக்கல்கள் ஏற்படுகின்றன.

                                                    #investment #realestate #propertysale

           இது போன்ற சொத்துக்களுக்கு மதிப்பு அதிகம் என்றாலும், யாருக்கு எவ்வளவு சதுர அடி நிலத்தை கொடுப்பது என்பதில் சிக்கல்கள் எழும்.  அப்படியே, 2,400 சதுர அடி நிலத்தை மூன்று அல்லது நான்கு பங்குகளாக பிரித்தால், பெறுபவர் சிக்கல்களை சந்திக்க வேண்டிய நிலை ஏற்படும்.

            ஏனெனில், 2,400 சதுர அடி நிலத்தை நான்கு பாகமாக வாரிசுகளுக்கு பிரித்து கொடுத்தால், அதில் அவர்கள் புதிய கட்டடங்கள் கட்டுவதில் சிக்கல்கள் ஏற்படும்.  இது போன்ற நிலம் வைத்துள்ளவர்கள் வாரிசுகளுக்கு பங்கு பிரிக்கும் முன், நகரமைப்பு வல்லுனர் அல்லது கட்டுமான பொறியாளரின் வழிகாட்டுதல்களை பெறுவது நல்லது.

            இத்தகைய நிலத்தில் தற்போது இருக்கும் வீட்டை இடித்து புதிய வீடு கட்ட வேண்டிய நிலையில் இருப்பவர்கள், அதை பிரிபடாத பங்கு எனப்படும் யு.டி.எஸ்., முறையில் பங்கு பிரிக்கலாம்.  இதனால், ஒட்டு மொத்த அளவில் நிலம் அப்படியே இருக்கும்.

             அதே சமயத்தில், அந்த நிலத்தில் நான்கு வாரிசுகளுக்கும் உரிய பங்கு கிடைத்துவிடும்.  இப்படி, பிரிபடாத பங்காக கொடுத்தால், அதை வாரிசுகள் வேறு நபர்களுக்கு விற்க முடியுமா என்ற கேள்வி எழுகிறது.

              இத்தகைய யு.டி.எஸ்., பங்குகளை விற்பதும், வாங்குவதும் முற்றிலும் எளிதானதாகிவிட்டது.  இது போன்ற மாறுதல்களை புரிந்து அதற்கான வழிமுறைகளை கடைப்பிடித்தால் பிரச்னைகளை தவிர்க்கலாம்.

              இவ்வாறு, யு.டி.எஸ்., பங்குகளை வைத்து வாரிசுகள் புதிய கடன்களை பெறுவதற்கும் வழிமுறைகள் உள்ளன.  இதை அவர்கள் தங்கள் வாரிசுகளுக்கு கொடுப்பதற்கும் சட்ட ரீதியாக பல்வேறு வழிமுறைகள் உள்ளன என்கின்றனர் நகரமைப்பு வல்லுனர்கள்.

நன்றி : தினமலர் கனவு இல்லம்

மாதிரி வீடுகளை வைத்து புதிய வீடு வாங்குவதில் முடிவு எடுக்கலாமா?

 மாதிரி வீடுகளை வைத்து புதிய வீடு வாங்குவதில் முடிவு எடுக்கலாமா?

          புதிதாக வீடு வாங்க நினைப்பவர்கள் அடுக்குமாடி திட்டங்களையே தேர்வு செய்வது பரவலாக அதிகரித்துள்ளது.  தனி வீடு வாங்க முடியாத நிலையில் இருப்பவர்களின் தவிர்க்க முடியாத தீர்வு அடுக்குமாடி குடியிருப்புகளாக உள்ளது.

            இதில், ஒரு திட்டத்தை தேர்வு செய்திலும், அதில் வீடுகளின் தரத்தை உறுதி செய்வதிலும் பல்வேறு விஷயங்களை மக்கள் பார்க்க வேண்டும்.  குறிப்பாக, நிறுவனத்தின் மீதான நம்பகத் தன்மையா, அல்லது திட்டம் அமைந்துள்ள நிலம் தொடர்பான ஆவணங்கள் மீதான நம்பிக்கையா என்பதில் பலருக்கும் குழப்பம் நிலவுகிறது.

#propertysale #modelhouse #investment #realestate #apartment #flat #villa #investor

            அடுக்குமாடி குடியிருப்பு திட்டங்களை செயல் படுத்துவது கட்டுமான நிறுவனங்களுக்கு வணிக ரீதியான நடவடிக்கை என்பதில் யாருக்கும் மாற்று கருத்து இல்லை.  இருப்பினும், இதில் சில நிறுவனங்கள் வில்லங்கம் இல்லாத நிலம், விதிகளை மீறாத கட்டுமானம், நியாயமான வர்த்தகத்தில் உறுதியாக உள்ளன.

          இத்தகைய நிறுவனங்களை கண்டுபிடிப்பதே வீடு வாங்குவோருக்கு காத்திருக்கும் முக்கிய சவால்.  இதில் கவனமாக செயல்பட்டு சரியான நிறுவனத்தை தேர்வு செய்து விட்டால் நீங்கள் வாங்கும் வீடு உண்மையிலேயே தரமானதாக இருக்கும்.

          குறிப்பாக, பல்வேறு கட்டுமான நிறுவனங்களும், புதிய திட்டத்தில் வீடுகள் எப்படி இருக்கும் என்பதற்கு மாதிரி வீடுகளை உருவாக்குகின்றன.  இந்த வீட்டை காண்பித்து, புதிய திட்ட வீடுகளை விற்கின்றன.

           இதில் மாதிரி வீடுகளை நேரில் ஆய்வு செய்வோர் அதில் என்னென்ன வசதிகள் எப்படி இருக்கும் என்பதை மதிப்பிடலாம்.  ஆனால், நடைமுறையில் இதில் சில சிக்கல்கள் ஏற்படுகின்றன.  நமது நாட்டில் எப்போதும், மாதிரியாக காட்டப்படும் பொருள் உருவாக்கத்தில், வீட்டை உருவாக்குவதை சிறப்பாக செயல்படுவோம்.  பார்ப்போருக்கு நல்ல எண்ணத்தை, நம்பிக்கையை ஏற்படுத்த வேண்டும் என்பதற்காக மாதிரி வீட்டை தயாரிப்பதில் சிறப்பு கவனம் செலுத்துவார்கள்.

           ஆனால், இதன் பின்னணியை சரியாக புரிந்து கொள்ளாத மக்கள் மாதிரி வீடு எப்படி இருக்கிறதோ அதே போன்று புதிய வீடு இருக்க வேண்டும் என்று நினைக்கின்றனர்.  உண்மையில் மாதிரியாக காட்டப்படும் வீட்டுக்கும், புதிதாக கட்டப்படும் வீட்டுக்கும் வேறுபாடுகள் இருக்கும்.

              இதை சரியாக புரிந்து கொண்டவர்கள் மட்டுமே தரமான வீட்டை வாங்க முடியும் என்கின்றனர் கட்டுமான வல்லுனர்கள்.

நன்றி : தினமலர் கனவு இல்லம்

மொட்டை மாடியில் காய்கறி தோட்டம் அமைப்பவர்கள் கவனிக்க வேண்டியவை

 மொட்டை மாடியில் காய்கறி தோட்டம் அமைப்பவர்கள் கவனிக்க வேண்டியவை

        சென்னை உள்ளிட்ட தமிழகத்தின் பல்வேறு நகரங்களில் அடுக்குமாடி குடியிருப்புகள் அதிகரித்தாலும், ஒரு சில மக்கள் தனி வீடு கட்டி வசிப்பதில் ஆர்வம் காட்டுகின்றனர்.  இதில் நடைமுறை ரீதியாக சில பிரச்னைகளையும் அவர்கள் சந்திக்கின்றனர்.

          குறிப்பாக, நகரங்களில் நெருக்கடியான பகுதிகளில், 500 அல்லது 600 சதுர அடி நிலத்தில் கூட வீடு கட்டி மக்கள் குடியேறுகின்றனர்.  பொருளாதாரத்தில் பின் தங்கிய பிரிவினருக்கு இப்பகுதிகளில் வீடு கட்ட அனுமதி வழங்கப்படும்.

#property #investment #realestate

          பல்வேறு பிரச்னைகளுக்கு மத்தியில் குறைந்த பரப்பளவு நிலத்தில் வீடு கட்டி குடியேறியவர்கள், தோட்டம் வைக்க வேண்டும் என்று நினைப்பது இயல்பான ஒன்று தான்.  இதற்கு பக்கவாட்டு காலி இடங்கள் இல்லாதது பெரும் குறையாக உள்ளது.  இத்தகையோரின் தேவையை உணர்ந்து தான் மாடி தோட்டம் என்ற வழிமுறை உருவாக்கப்பட்டுள்ளது.  மாடி தோட்டம் என்பது பல நூற்றாண்டுகளாக புழக்கத்தில் உள்ள வழிமுறையாகும்.  இது காலத்தின் சூழலுக்கு ஏற்ப பல்வேறு மாற்றங்களை கண்டு வருகிறது.இருப்பினும், இன்றைக்கும் மாடி தோட்டம் அமைப்பதில் மக்கள் ஆர்வம் காட்டுகின்றனர்.

            உங்கள் வீட்டு மொட்டை மாடியில் காய்கறி தோட்டம் அமைக்க வேண்டும் என நினைத்தால், தோட்டக்கலை அதிகாரிகளின் வழிகாட்டுதல்களை பெறுவது நல்லது.  உங்கள் வீடு அமைந்துள்ள பகுதியில் எத்தகைய காய்கறிகள் வளரும் என்பதை அறிந்து அதற்கு ஏற்ற செடி ரகங்களை தேர்வு செய்வது நல்லது.

             வீட்டுத்தோட்டம் அமைப்பதில் ஒரே வகையான செடிகளை தொடர்ந்து வளர்ப்பது வேண்டாம்.  ஒரு முறை வெண்டைக்காய் வளர்த்தால், அடுத்த முறை கத்திரிக்காய் வளர்க்கலாம்.

              இப்படி காலத்துக்கு ஏற்ப காய்கறி வகைகளை மாற்றிக்கொள்வது நல்லது.  குறிப்பாக அதிகம் வேர்விடாத செடிகளை வளர்ப்பது நல்லது.  தோட்டக்கலை துறை அதிகாரிகள் இதற்கான விதைகள், பைகள், உரம் போன்றவற்றை குறைந்த விலையில் வழங்குகின்றனர்.

             வாரம் ஒரு முறையாவது செடிகள் வளர்க்கப்படும் இடத்தில் கட்டடத்துக்கு ஏதாவது பிரச்னை ஏற்படுகிறதா என்பதை ஆய்வு செய்ய வேண்டும் என்கின்றனர் கட்டுமானத் துறை வல்லுனர்கள்.

நன்றி : தினமலர் கனவு இல்லம்

அடுக்குமாடி உரிமையாளர் சங்கத்துக்கு வீடு விற்க அதிகாரம் உள்ளதா?

 அடுக்குமாடி உரிமையாளர் சங்கத்துக்கு வீடு விற்க அதிகாரம் உள்ளதா?

        சென்னை உள்ளிட்ட தமிழகத்தின் பல்வேறு நகரங்களில் அடுக்குமாடி குடியிருப்புகள் அதிகமாக வந்துவிட்டன.  இதில், குடியிருப்பு பராமரிப்பு பொறுப்பை ஏற்க சங்கங்கள் அமைக்கப்படுகின்றன.

        பல இடங்களில், கட்டுமான நிறுவனமே இத்தகைய சங்கங்களை ஏற்படுத்தி பதிவு செய்ய உதவுகின்றன.  இதில் சம்பந்தப்பட்ட குடியிருப்புகளில் வீட்டு உரிமையாளர்கள் சங்கத்தின் பொறுப்பு என்ன என்பதை அனைவரும் அறிந்து கொள்ள வேண்டும்.

#realestate #investment #propertyowners #apartment #rwa #society

         ஒரு குடியிருப்பில், 100 வீடுகள் இருக்கிறது என்றால் அங்கு பொது இட பராமரிப்பு உள்ளிட்ட பணிகளை மேற்கொள்ள அனைத்து உரிமையாளரும் வர முடியாது.  இதற்காகத்தான், உரிமையாளர்களில் ஒருவர் சங்க நிர்வாகியாக நியமிக்கப்படுகிறார்.  இவ்வாறு நியமிக்கப்படும் நிர்வாகிகள் முறையாக செயல்பட வேண்டும் என்பதற்காக தான் சங்க துணை விதிகள், சட்ட விதிகள் உள்ளன.  சில இடங்களில் சங்க நிர்வாகிகளாக வருவோர், எல்லை தாண்டி செயல் படுவதாக புகார் எழுகிறது.

         குறிப்பாக, குடியிருப்பு வளாகத்தில் பொது இடங்களில் சுத்தம் செய்யும் பணிகள் முறையாக நடப்பதை உறுதி செய்வது, அதற்கான பணியாளர்களை நியமிப்பது, பொருட்களை வாங்குவது போன்றவையே அடிப்படை பணியாக உள்ளது.

           ஆனால், சில இடங்களில் அடுக்குமாடி குடியிருப்பு சங்க நிர்வாகிகள் அங்குள்ள விற்கப்படாத வீடுகளை விற்பது உள்ளிட்ட தரகர் வேலையிலும் இறங்குகின்றனர்.  இவ்வாறு செய்வது சங்கத்தின் அடிப்படை நோக்கத்துக்கு மாறானதாகும்.  மேலும், குடியிருப்பு வளாகத்தின் மறு கட்டுமான திட்டத்துக்காக வரும் கட்டுமான நிறுவனத்துக்கு சாதகமாக செயல்படுவதிலும் சில சங்க நிர்வாகிகள் ஈடுபடுகின்றனர்.  இவ்வாறு செயல்படும் நிர்வாகிகளை அசாதாரண பொதுக்குழு கூட்டம் நடத்தி விசாரிக்க வேண்டும்.  அதில் உரிய பொறுப்பான பதில் கிடைக்காத நிலையில் நிர்வாகிகளை நீக்குவதை தவிர்த்து வேறு வழியில்லை.

            குடியிருப்பு வளாகத்தில் உரிமையாளர்களின் அடிப்படை நலனுக்கு எதிராக செயல்படும் நிர்வாகிகளையும் அசாதாரண பொதுக்குழு கூட்டம் நடத்தி விசாரிக்கலாம்.  கணக்கு வழக்கில் முறைகேடுகள் செய்து இருப்பது உறுதியானால், அவர்களை நீக்க பொதுக்குழுவுக்கு அதிகாரம் உள்ளது.  இதை உணர்ந்து சங்க நிர்வாகிகள் செயல்பட வேண்டும் என்கின்றனர் பதிவுத் துறை அதிகாரிகள்.

நன்றி : தினமலர் கனவு இல்லம்

அடுக்குமாடி குடியிருப்புகளில் வீடு வாங்குவோர் பட்டா விஷயத்தில் கவனிக்க

 அடுக்குமாடி குடியிருப்புகளில் வீடு வாங்குவோர் பட்டா விஷயத்தில் கவனிக்க

       வீடு, மனை வாங்குவோர் அதற்கான பத்திரப்பதிவு முடிந்தவுடன், பட்டா மாறுதலில் கவனம் செலுத்த வேண்டும் என தொடர்ந்து வலியுறுத்தி வருகிறோம்.

        இருப்பினும், மனை வாங்குவோர் மத்தியில் ஏற்பட்ட அளவுக்கு, அபார்ட்மெண்ட் திட்டங்களில், வீடு வாங்குவோரிடையே விழிப்புணர்வு ஏற்படவில்லை.

         அடுக்குமாடி வீடுகளை வாங்குபவர்கள் பத்திரப்பதிவு முடிந்தவுடன், எல்லா வேலைகளும் முடிந்து விட்டதாக நிம்மதியாக இருந்து விடுகின்றனர்.  ஆனால், வேலை அத்துடன் முடிந்து விடாது.  வீட்டுக்கு பட்டா வாங்க வேண்டுமல்லவா...

          தனி வீட்டுக்குப் பட்டா வாங்கலாம்; ஆனால், அடுக்குமாடி குடியிருப்புக்கு எப்படி பட்டா வாங்குவது...  உதாரணமாக அடுக்குமாடி குடியிருப்பில், ஆறு வீடுகள் இருந்தால், இந்த ஆறு பேரும் தங்களுக்கென தனியாக உட்பிரிவு பட்டா வாங்க வேண்டும்.

           மனை விற்பனையில் பத்திரப்பதிவின் போது பட்டா பெயர் மாறுதலுக்கும் கட்டணம் வசூலிக்கப்படுகிறது.  இதற்கான ஒப்புகை சீட்டு வழங்கப்படுகிறது.

           இதை பயன்படுத்தி, சம்பந்தப்பட்ட தாலுக்கா அலுவலகத்தை அணுகி பட்டா பெயர் மாறுதல் பெறலாம்.

           இதில், தற்போது வரை, நிலத்துக்கு பட்டா மாறுதலுக்கு மட்டுமே முக்கியத்துவம் அளிக்கப்படுகிறது.  ஆனால், அடுக்குமாடி குடியிருப்புகளில் வீடு விற்பனையை பதிவு செய்வோருக்கும், இந்த வசதி இருக்க வேண்டும்.  உண்மையில், அடுக்குமாடி திட்டங்களில் வீடு வாங்குவோர், இத்தகைய ஒப்புகை சீட்டு பெற்றாலும், அவர்கள் பட்டா மாறுதல் தொடர்பான அடுத்த கட்ட நடவடிக்கைகளில் ஈடுபடுவதில்லை.

            இன்னும் பல இடங்களில் அடுக்குமாடி குடியிருப்புகளுக்கு பட்டா வாங்க வேண்டியதில்லை என்ற எண்ணத்திலேயே மக்கள் இருக்கின்றனர்.  தனி வீடு என்றால், பட்டா வாங்க வேண்டும்; அடுக்குமாடி குடியிருப்புகளில் பட்டா தேவையில்லை என்று பலரும் நினைக்கின்றனர்.

           இதிலும், அதிக எண்ணிக்கையில் வீடுகள் உள்ள அடுக்குமாடி குடியிருப்புகளில் பட்டா வழங்குவதில், அதிகாரிகள் நிலையிலேயே பல்வேறு குழப்பங்கள் நிலவுகின்றன.  சாதாரணமாக, 10 வீடுகள் வரை உள்ள குடியிருப்புகளுக்கு, யு.டி.எஸ்., பங்கீடு அடிப்படையில் பட்டா வழங்குவதில் சிக்கல் இல்லை.

               ஆனால், 50 வீடுகளும், அதற்கு அதிகமான வீடுகள் உள்ள குடியிருப்புகள், நான்கு அல்லது ஐந்து சர்வே எண்களில் உள்ள நிலங்களின் தொகுப்பாக உள்ளது.  இந்த தொகுப்பு நிலங்களுக்கு, யு.டி.எஸ்., அடிப்படையில் பட்டா வழங்குவதற்கான நடைமுறைகளை வருவாய்துறை தெளிவுபடுத்த வேண்டும்.

                தமிழகத்தில், பல இடங்களில் இப்படி தொகுப்பு நிலங்களை பயன்படுத்தியே குடியிருப்புகள் கட்டப்படுகின்றன.

                 இதன் தாக்கத்தை புரிந்து, வருவாய் துறை அதிகாரிகள், அடுக்குமாடி குடியிருப்புகள் பட்டா வழங்குவதில், குழப்பங்களை தீர்க்க உரிய நடவடிக்கை எடுக்க வேண்டும்.  இதுவரை, பத்திரப்பதிவு செய்து, பட்டா கேட்டு விண்ணப்பம் அளிக்கலாம்.  இந்த உட்பிரிவு பட்டா என்பது, அடுக்குமாடி வீடுகளுக்கு மட்டுமல்ல; மலைகளுக்கும், மற்ற பயன்பாட்டு நிலங்களுக்கும் பொருந்தக் கூடியது என்கின்றனர்,ரியல் எஸ்டேட் துறை வல்லுனர்கள்.

நன்றி : தினமலர் கனவு இல்லம்

துணை விதிகளை பார்க்காமல் அறக்கட்டளை சொத்துக்களை வாங்காதீர்!

 துணை விதிகளை பார்க்காமல் அறக்கட்டளை சொத்துக்களை வாங்காதீர்!

           புதிதாக சொத்து வாங்குவதில் சில அடிப்படை விஷயங்களை சட்ட ரீதியாக சரி பார்த்துக் கொள்ள வேண்டும்.  குறிப்பாக யாரிடம் இருந்து புதிய சொத்தை வாங்குகிறோம் என்பதில் மிக கவனமாக இருக்க வேண்டும்.

            தனி நபர்களிடம் இருந்து சொத்து வாங்குவதை காட்டிலும், அறக்கட்டளை, சங்கங்களிடம் சொத்துக்களை வாங்குவதில் சட்ட ரீதியாக பல்வேறு சிக்கல்கள் வருகின்றன.  இத்தகைய சொத்துக்களை வாங்க வேண்டாம் என்று ஒதுங்க முடியாது.

            விற்பவர்கள், சட்ட வழி முறைகளை சரியாக கடைப்பிடித்துள்ளார்களா என்பதை பார்க்க வேண்டும்.  குறிப்பாக, அறக்கட்டளை சொத்துக்களை வாங்குவதில் மக்கள் கூடுதல் கவனம் செலுத்த வேண்டும்.

             தனிநபர் எனில் அவருக்கு அந்த சொத்து எப்படி கிடைத்தது என்பது உள்ளிட்ட விஷயங்கள் பார்க்கப்படுகிறது.  அது போன்று, சங்கம், அறக்கட்டளையின் சொத்துக்கள் விற்பனைக்கு வரும் போது கூடுதல் ஆய்வு அவசியம்.

            குறிப்பாக, அறக்கட்டளை சார்பில் விற்கப்படும் சொத்துக்களை வாங்குவோர், அந்த சொத்தின் முன் வரலாறு விபரங்களை அறிய வேண்டும்.  இதில், அறக்கட்டளையின் நிர்வாக அமைப்பு, அதில் யாருக்கு சொத்து விற்பனை அதிகாரம் உள்ளது என்பதை பார்க்க வேண்டும்.

          மேலும், அறக்கட்டளையின் துணை விதிகளின் பிரதியை வாங்கி பார்க்க வேண்டும்.  அதில் சொத்து விற்பனை தொடர்பாக யார் என்ன செய்ய வேண்டும் என்பது குறிப்பிடப்பட்டு இருக்கும்.

        அனைத்து அறக்கட்டளைகளுக்கும் ஒரே விதமான துணை விதிகள் தான் இருக்கும்.  ஆனால், சில அறக்கட்டளைகள், துணை விதிகளில் மாறுதல்கள் செய்து இருக்கும்.

         இது போன்ற விஷயங்களை வழக்கறிஞர் உதவியுடன் சரி பார்க்க வேண்டும்.  மேலும், சொத்து விற்பனை தொடர்பாக அறக்கட்டளையின் நிர்வாக குழுவில் ஏதாவது தடை விதிக்கப்பட்டுள்ளதா என்பதையும் கவனமாக ஆய்வு செய்ய வேண்டும் என்கின்றனர், சட்ட வல்லுனர்கள்.

நன்றி : தினமலர் கனவு இல்லம்

Real Estate Investment Consultant

Real Estate Investment Consultant

 https://www.youtube.com/channel/UCrf-_u-WQTuDth5vJ4Et1rg
https://www.facebook.com/VVPCHENNAI/

https://www.linkedin.com/in/dr-prabhu-venkataraman-87a73915b/

Twitter @prabhuvvp

#realestate #investment #propertysale #chennai #tamilnadu #india #consultant #homeloan #sbi #hdfc #kvb #icicibank #lichfl #socialservice #gatedcommunity #apartments #flats #villas #plots #commercialshops #internationalsales #interiors #homelane #squareyards #township #highrise #service #integratedtownship #lifestyle #luxuryapartments #security&safety

An emerging real estate service provider established in Chennai, dealing in properties and everything covered under the realm of the word to say plots, villas, apartments, etc. We believe in not just settling deals but in educating our customers about every minute detail that effects the real estate market and can influence their decision-making. Always making the customer’s needs our prime concern. We teach, we lead we suggest and test until you find what you wished for providing a one-stop for all property solutions

TN Govt. RERA Certified Property Consultant

Branded Interiors

International Sales

No Brokerage / Commissions

Transparency and Accountability

End-to-End Solution

Team of Professionals

Financial Services : We are empaneled with all the leading banks were all the required service will be at the doorstep.